På besøk til Lilja i Akureyri!

Like før eg reiste heimatt frå Island i mai var eg på besøk til Lilja i Akureyri, nord på Island. Ho passa meg på Haugen då eg var 2 år, og eg har nesten ikkje treft ho att etter det, så eg var spent då eg sat på flyturen (som ikkje var av dei lengste, er ikkje så langstrakt land...)! Eg var redd eg ikkje kom til å hugse korleis ho såg ut, og då eg landa på det som sikkert er ein av dei minste flyplassane eg har vore på, såg eg sikkert noko bekymra ut.

Gammalt bilete av meg og Lilja på haugen, sjekk ut sveisane!

Heldigvis kom det raskt to damer mot meg; Lilja, og dottera hennar Johanna. Johanna hadde vore så snill at ho hadde kjøpt meg ein liten bamse til mobilen for å ynskje meg velkommen, og me har jo aldri møttes før, så det var kjempesnilt! Eg fekk til og med låne prinsesserommet som var dekorert frå topp til tå med ...ja, nettopp, prinsesser, hjå Johanna dei 2 nettene eg var der! Ho måtte på skulen då eg og Lilja skulle køyre rundt og vere turistar, men neste gong eg skal opp der så skal eg passe på å komme då det ikkje er skule, slik at ho også kan vere med:)

Johanna i flott positur!

Prinsesserommet!

Lilja var så snill og køyrde meg rundt den eine dagen ho hadde fått fri, medan mannen Sigurður (Siggi) var på jobb. Me køyrde langt og lenger enn langt, men fekk med oss mange flotte stader, blant anna Dimmu Borgir, Krafla og ei blå lagune som var knallblå og tom for andre turistar!
Her er nokre av bileta frå områda rundt Akureyri (som anbefalast på det sterkaste, eg skal opp der att ein gong til, minst!):

I Dimmu Borgir var det fleire stiar, du kan bli gåande i fleire timar i dette landskapet. Det har blitt danna ved eksplosiv kontakt mellom lava og havvatn.

Lilja

Meg ein eller annan stad i Dimmu Borgir. Ikkje mykje brunfarge å spore her, gitt...

Eit gigantisk vulkankrater i Krafla, dette er berre ein liten del av krateret.
Legg merke til folka som skala!

Krafla kraftverk, det er ganske kul blåfarge bak i fjella, men det er kan hende litt vanskeleg å sjå pga kameraet

Den som føler for å sniffe inn svovel så det river i nasen burde dra hit, meir effektiv oppkvikkar enn møkalukt!

Back in the game!

Jajamen, eg er tilbake!

Denne gongen rapporterast det frå studentlivet i Bergen, og eg skal laste opp dei siste bileta eg tok på Island og diverse frå studentlivet i Bergen. Men: om ikkje det er det eine så er det det andre som er gale... No når eg har skaffa meg ny pc (dell må de vite!), printar, og flunkande nytt digitalkamera så må jo sjølvsagt breibandsleverandøren på hybelen gå konkurs...men med ein gong problemet med null nettilgong er fiksa, så skal det bloggast!

Good news/bad news

Gode nyhenda fyrst: Forrige helg hadde eg besök av Laila og Anne. Fekk gratis mat og gratis bading i den blaa lagune...herleg;)

Daarlege nyhenda: Dataen min har bestemt seg for aa dö i ein alder av litt over 2 aar. Paa fredag sa den takk og farvel, midt i term-paper skriving og eksamensperiode. Idag har eg faatt den tilbake fraa "reparasjon", og heldigvis klarte dei aa faa tatt vare paa nokre bilete og dokument, men alt anna av innmaten har svunne hen. Ifölgje dei sakyndige var det eit eller anna med "motherboard" og "memory" som hadde kræsja, og eg vil difor oppmode til eit minutts stillheit for verdens verste og mest irriterande laptop som slenger dette i trynet paa meg paa det verst mulege tidspunkt.

No maa eg kjede meg i hel den siste maanaden her, og tenke paa korleis eg skal faa kjöpt meg ein ny som eg kan stole paa for 0 pengar....Eg faar sette meg paa skulen og blogge istaden!

Knallhelg!

Denne helga har eg vore med Astrid og Tom til Vatnajökull, og me har sett kjempeflott natur! Me har hatt utgangspunkt i Skaftafellområdet, og har sove på Skaftafell Hotel. Det er luksus å få sove på hotell, og å få komme seg litt vekk frå studentheimen i Reykjavik! Eg har fått so utruleg mange flotte bilete og sett storslått natur, for kvar enn du snur deg so ser du eit fantastisk motiv! Naturen her er so variert; du får sett alt frå store lavastraumar til brevatn der det er mykje kalving og til og med reinsdyr og sel!

Her er eit lite utval av kvar me har vore, det er umogleg å få med alt diverre!

Dette er flotte fossefall i Þorsmörk, ein dal me køyrde forbi på vegen.

Me fekk som nemnt sjå litt reinsdyr på vegen; det var flott å få avbrekk av alle dei tusenvis av hestane som er overalt!

Litt av utsikta over Skeiðarársandur; den største sandur i verda! Denne blir jamnleg overfløymd av jökulhlaups som kjem frå Vatnajökull. Jökulhlaup er katastrofale flaumar som dekkar heile sanduren, og her låg det vegar og bruer som vart totalt øydelagde etter forrige jökulhlaup i 1996. Maks. flaum vart rekna å vere 50,000 kubikkmeter per sekund!

Svínafellsjökull, ein av dei mange flotte breane me såg på turen!

Utsikt frå Vik i Myrdal, flotte klipper!

Her er me ved Jökulsárlon framfor Breiðamerkurjökull. Jökulsárlon er ei brelagune, og det var her dei spelte inn James Bond-filmen: "Die another day" (istaden for i Jostedalen....)

Eg må ærleg innrømme at eg skjønte kvifor dei spelte inn filmen her, dette er faktisk noko av det nydelegaste eg har sett, me blei ståande og måpe alle saman! Heilt fantastisk ver, fantastiske brear og natur, og i tillegg masse isfjell og ikkje minst såg me sel her! Dei låg og slappa av innerst i laguna, og hadde det tydelegvis like flott som me hadde det!

Spreke ungdomar...!

Her ser du godt midtmorena på Breiðamerkurjökull.

Me gjekk også til Svartifoss, der fossen grev seg bakover i svart søylebasalt, som har gitt opphav til namnet. Søylebasalt blir danna ved sein avkjøling av store lavamengder (straumar), slik at lavaen får tid til å krystallisere til heksagonale søyler. Moro!!!

Køyreturen heimatt vart også flott, og då me kom inn att i Reykjavik sentrum såg eg tidenes motorsykkel! Her oppe går det tydelegvis i Haralður Daviðsson, og ikkje Harley Davidson!:-)

Tidenes tur!!!!

Herregud for ein utruleg dag eg har hatt idag!

Dagen byrja med eit feltkurs rundt i Reykjanesområdet, og etter det var det meininga at eg, Astrid og Tom skulle byrje på helgeturen til Vatnajökull. Men den gong ei...

Ikkje nok med at me istaden skulle leige eit småfly for å flyge litt rundt på den sørvestlege delen av Island, men i tillegg so fekk Tom vere styrmann! (han har jo lappen so det skulle jo gå greit;-)

Trur du ikkje me fyrst flaug litt over lavalandskapet ut mot Reykjanes, men so gjekk turen til Vestmanneyjar (der eit kjent vulkanutbrot tok plass i 1973) der me såg restane etter dei store lavastraumane!?

Men ikkje nok med det: Når me likevel var på vegen, so svingte me innom Surtsey! Dette er svært spesielt, fordi Surtsey dukka opp av havet i 1963! Øya er freda fordi forskarane vil la fuglane vere i fred og sjå korleis livet utviklar seg på øya, men det er lov å fly over. Dette var utruuuuuleg moro (både for geologar og andre!)! Bileta er alle (sjølvsagt...) tekne frå innsida av flyet, so kvaliteten er vel ikkje fullgod, men herregud- for eit syn!

Vestmanneyjar frå lufta, og to blide pilotar; Tom og Albert!

Meg happy for å vere i lufta!


Her er vulkanen Hekla sett frå fugleperspektiv! Dette er ein svært farleg vulkan, og den er også relativt nær Reykjavik. Hekla er på overtid no, so dei forventar eit utbrot her om ikkje so altfor lenge.



Fantastisk utsikt over Surtsey!!!

Astrid og meg utafor det store, flotte flyet vårt idag!

Besøk! ...igjen!

Jajamensann, endå eit besøk heimefrå her oppe no, igår kom tante Astrid og Tom opp hit! Dei blir verande i ei veke, og har leigd seg bil, so no er det lett å komme seg rundt omkring.

Idag har me køyrt frå Reykjavik til Snæfellsneshalvøya rundt og tilbake. Det vart ein lang tur, men vel verdt det!

Fyrste stopp på turen var Garðaberg, ein av dei mange ikkje-planlagde stoppa me hadde idag. Me køyrde tilfeldigvis forbi noko som likna på ein merkeleg oppdemjing frå avstand, og heldigvis vart Tom so nyskjerrig at han køyrde inn den vetle sidevegen for å finne ut kva dette var. Då me kom nærare såg me til vår store glede at "demjingen" var søylebasalt (ja, geologar finn stor glede i slike ting...)!Utruleg flotte formasjonar! Legg merke til "det skeive tårn i Pisa"-look-a-liken nederst til venstre!

2 halvgamle turistar på Island med tidenes raudfarga bil! ;-)

Her er då Snæfell, bileta er tatt frå forskjellige vinklar. Veldig flott fjell med silkeoverflate!

På vegen til Snæfellsjökull (ein relativt grusete, usikker, svingete og humpete veg...) var det flott utsikt til alle kantar.

På denne vegen låg også Sönghellir, også kjent som "The Singing Cave"
...Tom måtte jo sjølvsagt åke seg inn i hòla og ta bilete! ;-)
Ein haug med steinar låg her også...!

Her er me "on the road" og køyrer innom ei lita bygd, der det var flotte formasjonar og masse fuglar nede ved vatnet!Same stad var det også ein steinfigur reist til minne om...ja, ein eller annan...(er ikkje heilt god på historie....). Men det var ein tøff figur (endå tøffare enn trollet på Hundersfossen- om det går an!)

Ein lang dag vart det, men jammen såg me masse fin natur! I helga satsar me på å reise ned til Vatnajökull for eit par dagar, so me kryssar fingrane for å få ein minst like fin tur (og ikkje minst ver!) som me fekk idag!