Igår skulle eg nok ein gong på turisttur, denne gong med Siv. Me hadde allereie rukke å bade i den blå lagune på måndag, men Siv skulle få med seg litt meir, og ho var svært interessert i å få med seg Gullfoss og Geysir, so me hoppa på ein av dei mange tur-bussane her.
Fyrste stopp på denne litt kortare versjonen av "The Golden Circle" var Kerið, eit vulkankrater som eg synest var utruleg flott! Kalderaen er 270 x 170 m og omlag 55 m djup. Utruleg moro å sjå slikt som me ikkje akkurat kan sjå heime i Jostedal...
Legg merke til bergarten som har ein flott raudfarge!
Turen gjekk vidare til Gullfoss, og her er nokre bilete derfrå:
Akkurat idet me var på veg opp att såg me denne regnbogen over Gullfoss, ganske bra timing!
Panorama over gullfoss og omgjevnadane. Ikkje verdens beste, men tatt med kameramobil, so det er godt nok for meg!;)
I kafeteriaen ved Gullfoss åt me lambasuppe, som eigentleg var det same som betasuppe. Men god var den!So køyrde bussen vidare til Geysir. Denne gongen var det mykje meir vatn i Strokkur enn det var sist gong eg var der, so eg lurar på om sjølve erupsjonane kom høgare også. Flotte bilete fekk me iallfall!
Stille før stormen...
Stille før stormen...
Strokkur når den erupterer
Store krefter i sving!
...so er det tilbake til krateret med vatnet att, før geysiren igjen erupterer. Ca. kvart tredje minutt sa guiden vår.Alt i alt ein flott tur, som kan anbefalast!
4 kommentarer:
"Legg merke til bergarten som har ein flott raudfarge!"
Hmmm... røfarge? Eg kan ikkje sjå nåkke røfarge. Følast som eg e på 102-tur igjen.
:)
hehe, jojo, men var kanskje ikkje det biletet der du såg det best...;)skal poste fleire eg...;)
Raufargen e mine roseflåtte kinn:) marthe..du e no skjønn naor du vil!:) hehe
visste folk kom te å kommentere den setningen jah;) roseflotte...hehe...ja du kan få sagt det...
Legg inn en kommentar